هذه حروفي اتمنى ان تجد لها مكاناً بينكم // فلنسافر معاً
-------------------------------------
لحظة غياب
سدت بوجهي دروبه
يومه ودعني
ومعاه
شال نعشي بين يديه
لأنه يدري
حيل يدري
مالي اي عيشه بدونه
ونبضي يوقف
من وراه
وكل حسراتي عليه
تعيش فيني
وهذي كفي
ماتوفي
لاصفعت خد السنين
القاسيه
وصاحت بكل الخوف
تهتف آآآه // آآآآه
ليه راح
وصب هم الكون كله
فوق راسي
سابني اجرع مآسي
واكتم الآه واصوم
شوفوا كوني
شلون اسود والضرر حوله يحوم
والدرَج يقطر ولكن...
ماحدٍ غيري يحسه
ويشعر ان السيل يجرف
دمع واهوال وسموم
كل نقاط الضو خلفي
تكسر الظَهر وتجرجِر
كسرتي للناس برى
تسحب اجزائي بـ خفه
بدون حس بدون رأفه
تحط مني كل عزومي
لين ماتبقى عزوم
والصدق مابه عزوم
مابقى غير الوجع
صدر يتقاطر جزع
يصرخ لـ درب المحبه
نابشٍ كلمة (( رجع ))
في حنايا الدرب
لكن,,
مالقاها !!
وارتجف بعد الفزع
انحنيت
وانثنى كلي على كل الدرَج
قلت اتسند جداري
شفته فازع من مكانه
يركض وينظر عيوني
لين طاح
والتوى كاحل سنينه
وضم رذاذ الأرض
لكن ,, ضمةٍ فيها [ عَرج ]
هذا نوري
من ورا عمري
يدور
ساكنٍ ذيك الزوايا
ايه ادري به معذور
ليه يجيني
وارتمي به في حنيني
واكسي اطرافه [ حزن ]
ايه خله هناك احسن
يسقي بـ اشعاعه [ وطن ]
رغم مابه اي مسافه
بيننا حتى اضيع
مثلها مثل المسافه
بين صدر أم ورضيع
يبقى ينظر فرحة أمه
من مسافة شبر ونص
وده يروى
حيل جايع
وثّم ريقه به سريع
يحركه مره ومره
ونظره يبقى مُريع
لأرحلت امه وماتت
وماشبع منها ابد
مايتكلم لين شاحت
كل عبارات اللحد
من ثقل فقده وأنينه
وصيحه يعلى من حنينه
وقتها هالناس تنظر
كيف يتيتم بصغره
وماحد فاهم وش فقد
هو فقد بعض الحنان
او فقد حضن الأمان
او فقد صدرٍ يضمه
وعين تسهر لا عيا
بـ إختصار
هو فقد موطن يحبه
صعب ينسى محتواه
وهذا انا مثله
ووضعي
مشابه لوضعه كثير
ضاع من يدي هواي
وضاع من يده هواه
هذا انا وياه نوري
ودي فيه
عل عمري ينور بعده
بعد ما آخذ عليه
ايه عليه
ذاك اللي شابت الروح بحدودي
من رحيله
وما قدرت اركض إليه
ماقدرت رجِلي تعدي هالخطوط
وقفت اهمس
بس همس بدون صوت
همس خافي
يصرخ بضلعي
وكلي ,, تمنى يحضى بالسكوت
كل حنان الكون
راح
تارك الحب برحيله
ينطق حروف الشهاده
من طعِن سهم ورماح
ايه شفته
حول عيني
يدمي ما اقدر اشيله
لين مات
لين مات
بسبتك هالحب مات
وماصبر قلبك دقايق
يصلي في محراب صدري
ركعتين
وينقله من قبل يرحل
إلى [ مثواه الأخير ]
19\12\2006
لكم تحياتي ..
أختكم .. عاشقة المستحيل ((غير الناس))