[هاني هاشم]

ربيع عمري
__________


شوف كام ربيع
من عمري .. فات
شوف كام خريف
راح .. من سكات ..
شوف كام شتا
كان برده قاسي
ضباب وريح
وحده وشتات ..
وصيف يعدي
جايب نسايم
بالوعد هايم
الروح تنادي
فى كل وادي
بصوت الرجا .. والأمنيات .


\
/


طريق طويل
كام ألف ميل
قبلك مشيته
من غير دليل
يصرخ فؤادي
ويزيد عنادي
لا فرحة شفنا
ولا الراحات ..
فصول .. وذكريات
مواسم .. وحكايات
رحلت وفاتتني
ولا دمعة سكنتني
ولا الآهات ..

\
/

ربيعك أنت
ده شكل تاني
ورد وأغاني
عبير وشوق
بياخدني فوق
أحضن نجومك
وأنسى زماني
أحسب وجودي
على نبض قلبك
لا تاريخ بيحسب
ولا الساعات ..

\
/

قالوا الربيع
يحيي الورود
بالخير يجود
من غير حدود ..
يغرس أماني
يزرع خدود
ربيعك أنت
جوايا يسري
يسكن وريدي
ويبقى عيدي.. وكل الغايات ..

_________________


محاولة بالعامية المصرية ....

/

هاني هاشم
24_5_2012
__________