[POEM="font="Arial,3,black,normal,normal" bkcolor="transparent" bkimage="" border="none,3,gray" type=2 line=0 align=center use=ex num="0,black""]ياراويه تاريـخ الابطـال لاٌجيـال=يـاوارده نهـر الكرامـه عزيـمـه
يامسطره بدمـوع وبـدم الاطفـال=أمجادبافعـال النشـامـا عظيـمـه
يـم المـآذن والبطولـه والابطـال =يـم النخيـل أم الكـرم يالكريـمـه
ياغربة الوجـدان شاعـر ومـوال=ياصوت مبحـوح المشاعـر نديمـه
يارهبـة العـدوان وريهـم أفعـال=أهل الشيَم في ثـورة الثـار شيمـه
إيـه ارفعـي الله واكبـر لزلـزال= قلـوب عُبـاد الحجـر والبهيـمـه
وصيحي نعم وان كان ظاموك الانذال=وانخي وقولـي ياهلـي مستظيمـه
وشوفي شلون الفعل بس إرمي الشال=لعيون من لا هـاب لقـوة غريمـه
وان كان لك حيٍ مـن الحـي لازال=لوهو طفل يكفيـك فعـل بخصيمـه
تدرين ما يصبر على الظيم رجـال=الحر مايرضـى الـردى والهزيمـه
لاشك صبرك عـل ماحـل ينـزال=بامر الولي مشفي الجسـوم السقيمـه
ياغاليـه نـدري تعانيـن الاهـوال=وماصارلك بالفعـل اكبـر جريمـه
لكن دوام الحال فـي كـل الاحـوال=محال وانتـي حـد علمـي فهيمـه
لابد مايجلـى الفـرح كـل غربـال=كـان النوايـا بالخفـايـا سليـمـه
والا فـموت العـز عـزه ولايقـال=مات الضميـر بحـي روح اللئيمـه
ياللأسـف ذلـة وطاعـت لـلاذلال=مـا للكرامـه عندهـا أي قيـمـه
تكفين لا يفـرح عـدوك ولوطـال=ظيمـك وكونـي بالشدايـد حليمـه
كوني رموز المجد برسوم الاطـلال=في مجده ( القائـم وفالوجـه شيمـه)[/POEM]