"
"
"
من منطلق ,, حرية الراي , يالليد
......................... بقول رايــي , واستقل ,, بقـراري
يبقى مجرد راي ,,لو يعكس السيد
......................... ويبقى اختلاف الراي , مظهر حضاري
وانا بعمم , بالحكي ,, دون تحديد
......................... داري , ( واصلّح فيه ) ماني بـ داري
البارحه عسيت لك ,, نقرة الصيد
......................... وشفت الأرانب , والسمق , والحباري
والفقع يذكر مير انا شفت ( جريّد )
......................... يذكر ,, وانا ماشفت ,, كـود المواري
ديرة ,, ربيع وشرعت ,, للمقاريد
......................... اللي لهم مـع طاري الصيد , طاري
نقاد ؟؟!! لا والله رضوا بالمناقيد
......................... ماعندهم ,, غير الدجل ,, والمـزاري
اسرافهم بالهرج ,, يحتاج ترشيد
......................... يعني ,, اتباعاً ,, للقـرار الـوزاري
وان كان تنشد عن مقالات ابا زيد
......................... وان كان نهـجه بالكتابه ( يسـاري )
طبعاً يساري ,, مابها شرط او قيد
......................... لكن , ترى وقت البـراد ,, العصاري
ويالليد توّك ,, فاطمينك عن الديد
............................ لاتمتحني عـاد ,, واخلف مساري
اخاف اجيب العيد , بدري على العيد
......................... نص الشهر ,, والعيد يبغى ,, مصاري
"