ياشارقة واصلٍ حدي
أقّشر من الجرح تنقيضه
يامحرضة والشعر عندي
مايجي بغير تحريضه
يامخضبة والهوى ضدي
وماربّع العمر من قيضه
أغمض وليش ماتردي
وباقي على الصوت تغميضه
حطي يدينك على يدي
ونمكن على الركب يامعيضه
وخلي يقينك على قدي
باقي بــ الأنفاق توميضه
واللي مضى نترك يعدي
ونرفع له الراية البيضه
ياطفلةٍ حلمها وردي
طاح الذي صعب تنهيضه
ياملهمه والورق يندي
بحبر الألم تم ترويضه
ولو يشتبك عضدك بزندي
شفى الأمل من عواريضه