[سليمان المانع]

(الإهداء : إلى رسَّامة الفن وفنانة الرسم)

[poem=font=",6,darkred,bold,normal" bkcolor="transparent" bkimage="" border="double,4," type=1 line=1 align=center use=ex num="0,black""]
يا رسَّامة .. يا ريشة حب طلبتك يا عروس الفن=أبي رسمي بمعنى جرح على خد الشعر والكون
أبي وجهي سما الغربة.. أبي عيوني ملامح ظن=وأبي بسمة أسى ظالم .. وأبي اللوحة باسم مجنون
وأبي خدي قصيدة شوق غموض حروفها مزمن=وأبي راسي وطن بدوان رجاهم في وعد مسجون
أبي رسمة خيالية تخلّي اللي غدا ... ممكن=أبي كل الألم يظهر ولوعة حرفي الملسون
أبي لساني مثل ما هو تحت منجل خفي أرعن=أبي رحلة معاناتي.. يا حلوه وافهمي مطعون
دخيلك يا آخر أصواتي أبي الريشه تصير السن=من أقلامي من أوراقي .. غدي اللي ما رضوا يرضون
وأبي مِنَك على اللوحه ولو كذبه!! اسم موطن=بأقول لصحبتي هذا مكان الراحل المحزون
أبا أفخر في وطن زايف يجوز إنه يصير أهون=عذابٍ رافق أسفاري .. وخوي ٍ بالشعر مفتون
يا رسَّامه فهمتيني .. وعرفتيني .. يا بنت الجن=أنا ذاك "الغريب" اللي تمنَّى لو يصير بدون
أنا مع هجرة أجدادي أصيل ابن التمر والبُّن=ومع بيت الشعر غنّيت ورسمت من الجماد عيون
أنا نخلٍ يعاند ريح .. أنا يا زهرة السوسن=طفل شارد من الرحله أعيش بلقمتي مديون
أنا جوهر ولو يدرون كثير من الذهب أثمن=أنا عشقٍ حكى نسيان تاريخ الفزع والعون
يا فنانة أنا فنان .. أحسّ وأمتزج .. وأحنّ=واعرف أجمل جمال الفن عيونك والعيون .. فنون
وأعرف إن السعادة جرح !! وأنا جرحي غدا مثخن=وأبي .. بس .. ارسمي شوفك وعذابي والجراح تهون
[/poem]