أيضاً نص لم يحن قطافه :
لا تردين الزياره
ما بقى بي شي يستاهل تجيني
ما بقى لي قلب يستحمل حنيني
لا تجيني
مثل الأشجار الحزينه
أتساقط
لا تجيني
لو تشوفيني على أرصفة الشوارع
قلب ضايع
أتسكّع في ممرات المدينه
وإتلقفني عيون الناس وتفتش ملامح وجهي وتبعد حزينه
مو بكيفي
شي أنا ما أخترت أكونه
ما نحته في يديني
عمر ينحتني زماني
لين صرت اللي تشوفينه مكاني
مو أنا
حتى المرايا ما رضت تصدق معايه
مو انا
رغم أن بعضي يشبه لبعضي زمان
بس مو هذا حبيبك
لا تردين الزياره
مابقى فيني حبيبك
فتّشي عنّه بقلبك
مابقى فيني حبيبك
لا تردين الزياره