[رائف الجبير]

لـ هذه القصيدة الشيء الكثير لديّ ..
ربّما لأنها كُتبت من أجل إنسانة , تواجدت في داخلي كثيراً !
ولـ روعتها , أبت إلا أن تخرج على هيئة قصيدة !
فـ هي الشعْر والكتابة والبوح دائماً !
عذراً على الغياب أحبّتي ..

[poem=font="simplified arabic,4,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
للعيد في صدري غْياب وتناهيد=والضيق يمحي من دروبي أماني ..!
أواسي احزان الدفاتر بـ / اناشيد=والوّح بـ / كفّي لـْ / هاك المواني
غريب مقفي وآتحرّى المواعيد !=ويكفي نزفت من المواجع أغاني !
يكفي أخذت من الليالي تساهيد !=يكفي نصيبي للمآسي رماني
تركت لك كلّ القصايد تراديد !=ورافقت جرح ٍ بالضلوع المحاني !
جرح الوداع , وخاشرنّه لواهيد=زود ٍ على غربة دروبي , زماني !!!
وشفتك هناك بعيد وبعيد وبعيد !=وبعيد وبعيد وطريقك أناني !
شفت الورق , وجهه كسته التجاعيد=شفت الدقايق صمتها إحساس ثاني !
( طير الأمل ) يملى وجودي تغاريد=وحرف العنا واقف بـ / طارف لْساني !!
عشت الرجا روض ٍ وانا اقاسي البيد=وفجر الحزانا في صباحي ( مباني ) !
ذكرى وامل بين الحنايا عناقيد=أقطف من الذكرى واغذّي حناني !!
وصدق اغترابي .. روح حلمي .. أجاويد=صدى تباريحي .. شحوب الثواني
( يوم ٍ يحلّ ويرتحل :_ قالوا العيد=أحسبْك جيت وقمت أزفّ التهاني ) !!
غريب .. ماتت في دروبي مواعيد ..=وآمنت بـ / انصاف الغياب وجفاني !
والعيد دامه في غيابك تناهيد=ودّعت لحظات الأمل والأماني !!



[/poem]

6/10/1430 هـ

مخرج .. }

[poem=font="simplified arabic,4,darkred,bold,normal" bkcolor="transparent" bkimage="" border="none,4," type=1 line=0 align=left use=ex num="0,black""] وش قيمة الدمع لا من عاند اهدابي=ووش قيمة الحبْر لا منّه جفا طرسي
أخذت منّي وجودك يا آآآخر احبابي=وتركت لي دمعتين وموعد وكرسي ![/poem]