[محمد بن منصور]

السلام عليكم ورحمة الله وبركاته
مشاعر متجمده ليست أكثر من ذلك

وإن طال ليل الشتاء , حزني تراه أطْول
ــــــ والبرْد , لو يسْتفزّ الجرْح ... وش يعني !!
..
أكذب إذا قلْت لك , ماصابني فـْ مقتل
ــــــ وحدي أبدّد بقايا الهمّ ,, واجْمعني
..
حتى القصايد , قوافيها بدَت ,, تسأل
ــــــ مالي خوي غير , هذا الليل يسْمعني !!
..
أشبّ جمر الحكي , ( يمكن / عسى ) يوصل
ــــــ واثر السكوت الغبي خلفي ويتبعني
..
باللي بقى من وله قلت العمَر أجمل
ــــــ ليتك تجي من كتاب النّاس تنزعني
.
خلّ الحزَن في حضورك ينكسر / يزعل
ــــــ خذني على صدرك الدافي وضيّعني
..
والبرْد لو طالت أيامه ترى يذبل
ــــــ بسّ انت لايخْتفي حسّك ويقطْعني