صباح الخير يالطرف الزعول المزعل الزعلان
صباح الخير ياكل الرضا والطيب .. ياغندور
انا ماجيت لك صدفة ولا مدعو على نكران
انا اعرفك وتعرفني زمااااااان ، ويازماني .. دور
على كل الليالي [ دُور ] .. انا في غمرتك .. حيران
انا من ظلمة الفرقا .. لبست الليل عكس النور .!!
من جنوني
جحدت الصبح ..!! / ( لجنونك ) ..
وش [ الاحزان ] ..!!؟؟؟
أمانه لاسمعتيها من الشعّار قولي : زور
وامانه لاقريتي في ملامح قصتي سلوان
بعد هذي .. خيال وزور .. كذب وشي ماله دور
أنا من عقب تيجان الوصال .. مكبّل النسيان
وانا ..!! / وآعوذ من هذا العنا اللي مايحزَّ شعور
يقولون المعاناة ام شاعر .. واسمه ( حزيران )
وانا اشوف الرغد شاعر لأن الشعر : طيش حضور
بشر تبكي مشاعرها على اي شي له دندان
لو ان السيّد المشهور يستلهم ترف وغرور
صباح الخير!
عساك بخير !؟
نسيت اكتب لك العنوان
قصيدة ودّها اكتبها وكالعادة نقزت سطور
ولكن .. قبل لايثقل هدب .. ويغيب وعي انسان
ترى في دلجة البارح [ ذكرتك وانطلق عصفور ]!!
#س_و
وش الاحزان ؟ 