.
تبيني احساس
تبيني أنفاس
تبي أجمع حروف الحب لها ألماس
و تعشقني
تبي نبضي
تبي حبي
تبي تكون غير الناس
و هي من الناس ..!!
و لكن حسنها أغرقني
:: :: ::
تسولف عن عشق ساكن
تعبت شهور أحايل فيه ..!!
يكون الحلم و الميناء
يكون أجمل أمانينا
يكون أصدق شعور أحباب
يكون عذاب
و أحلى عذاب
إذا هي غابت .. و أنتظرت
إذا هي نادت .. و ما قدرت
و شعور الحب أنطقني ..!!
" أحبــــــــك "
أ
ح
ب
ك
و حلا هالحرف أشرقني..!!
" أ "
أنا لك و من أجلك ..
" ح "
حبيبٍ يرتجي وصلك ..
" ب "
بغير العمر ما أرضى ..
" ك "
كلك .. و يا " ... " أنا كلك ..!!
:: :: ::
حروف و أشعار مجنونه
ربي مدري وش لونه
حب .. و غصب صرت مفتونه
و أنا العاقل .. و يا " عونه " ..!!
وصلت الحلم و شجونه
و صارت " ..... " لعيونه
أميرته و سيدة كونه
ملاك و أحلى مزيونه
و بعد لو قلت يا ضعفي
ترى هالحكي.. ما يكفي ..!!
و شعوري ما وصل شفــّي
و لا هو وصل مكنونه
و أبي العذر من شمسي
من نوري .. و من عمري
(( ..... ))
أنا سلمت لك أمري ..
22 / 10 / 1425 هـ
.