[محمد الرفدي]

[POEM="font="Courier New,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ساقني الجرح لحنانك يوم انا عابث صبي=ارتمى في رمش عينك واحضنته بموقها
احلفت له ما تخونه وعاهدت باللي يبي = واقسمت يبقى على طول الزمن هو شوقها
وابتدى حلم الطفوله وصرت انتي مطلبي = حتى إن كل خلق ربي صرت اشوفك فوقها
كنتِ اول حب يسكن في عيوني وهدبي = كنتِ اول بنت يدوي بالحشا منطوقها
كنتِ اول جرح نازف كنتِ ناري وحطبي = كنتِ اول شمس يبدا في عيوني شروقها
كنتِ اول من كتب فيني مشاوير تعبي = كنتِ اول غيمةٍ يروي ظماي بروقها
وكنتِ الحلم الاخير في معاناة اعربي = جاب لك روحه على ما تشتهين يسوقها
سقتها طفلٍ صغيرٍ تو ما خط شنبي = ما دريت اني اسوق الرجل للي يعوقها
لي ثمان سنين هايم وذي بقاي مركبي = حطمته احزان روحٍ خانها معشوقها
افرحي في جرح عاشق استريحي والعبي = دامها هانت وشربت ياحبيبي مروقها
واجرحيني كان تحلالك جروحي واهربي = شوفي إن كانه بتنسى هالجروح حقوقها
ومن خلق جرحٍ رماني يوم انا عاقل غبي = هالجروح اللي بصدري حالفٍ لتذوقها[/POEM]