[poem=font="simplified arabic,6,black,bold,normal" bkcolor="transparent" bkimage="" border="ridge,6,orange" type=2 line=0 align=center use=sp num="0,black""]
ياليل ماني وحيد ان غابو احبابي= معي قصايد شجن واحلام ورديه
ياليل كان الحضور يمون بغيابي=من يحضن السفن لاشحت موانيه
قبل امس ضاق المدى واهديت لترابي=دمعٍ شرح قصة الدمعه وراعيّه
كان المسا في بلادي يتعب اهدابي=وحزنهٍ كسر خاطري واعلن وداعيه
مشهد لبسني وعّراني لجلبابي= قلت اكتبه من فرح فابيات مرثيه
مقهى وكرسي قديم وشيخ متصابي= واجساد مالت عبث وانغام غربيه
فوضي تعم المكان وصوتها نابي= وتشوف موت الجماعه باالانانيه
هنا رميت الجسد فاهم ومتغابي= في زوايه تحترم فيها الخصوصيه
هنا ذكرته غريبٍ مر من بابي=يحمل جوازالسهرواحزان شخصيه
ناديتله ياغريب ان جيت لعرابي=يقريك قلبه وتسكن روحه الحيه
غامض وسحره فعل فعله وخلابي= جرحٍ يشيب الزمان وباقيٍ غيه
يمر مثل النسيم ويقبل عتابي= ويروح له سيرةٍ تذكر ومنسيه
اعطاني احساس لين الشوق غنابي= واطلق عنان المشاعر للرومنسيه
امشي معه للنهايه قبل يبدابي= واسامحه لويقول اعذار وهميه
اعرف عشقت المحال اللي تعدابي= حدود مالي بها مسكن وجنسيه
ايقنت باني تركت اوطان واصحابي= في رحلتي ماحسبت احساب للجيه
اسهبت ادور عن الغيّاب بكتابي= واحفظ امانه واسلمها حراميه
ماكان عندي سبب لوتكثر اسبابي= مامربي قالته روحي بعفويه
اشيا حسبها القدر من واقع حسابي=مع ان نفسي طبيعتها حياديه
خذيت منها لقب يضاف للقابي=شاعر عشق في ظلام الليل جنيه[/poem]