خمسة حروف
خمسة حروف(ن) بعثرتلي كيآني
تضاربت دنيآ الأحاسيس فيني
في حبها رب الملا قد بلاني
وهاجت عواصف حبها في سنيني
وماطعت انا في حبها من عناني
خيبت انا شرهاتهم عاذليني
((التا)) تركت الي عشقني وهواني
لعيونها قد عفت منهو يبيني
قلبي رفض بالعشق انسان ثاني
ولغيرها مالحت انا بناظريني
((الها)) هلت دمعتي من عياني
لامن طرت بعدي اصيح بونيني
ماغير مطلع اسمها في لساني
ومدري انا من بعدها صرت ويني
((ألفن)) انا لعيونها جيت عاني
واطيافها متمركزة وسط عيني
مابي اخليها انا لو ثواني
وحسها مثلي بعد تحتريني
((والنون))نمت وخاطري ماهناني
حتى مع الاحلام دومن تجيني
قلبن عشقها صار طبعه اناني
ومابي يديها تبتعد عن يديني
((واليا)) يم الويل عشقه رماني
الجادل الي عشقها محتويني
عاشق او اني عنتره في زماني
وازيد انا في عشها كل حيني
((خمسة حروف)) ومقصدي هو ((تهاني))
يا أجمل حروفن تمطر الشوق فيني
__________________
شعر : عبدالرحمن بن جابر الرويلي