السلام عليكم ..
وبعد غياب طويل لا أعلم أسبابه : )
بكرة أبرحل ، وبترك : كلّ حاجة .. وراي !
من الأخير : أبتديت .. الياء لين : الألف !!
يا كثر ماكنت أنادي .. مين يسمع نداي ؟
يـ العابرين بـ طريقي .. أتعبتني الصدف
كنت أحسب الناس لا من طحت توقف معاي
هم وقّفوا : بسّ ضدّي وقّفوا .. " للأسف "
وش فادت التضحيات ؟؟ أنا ضحيّة : وفاي
وعلى وتر " تضحياتي " .. كلّ ناي إنعزف
ملامحي .. من : تخاذلهم .. وحسرة رجاي
أنا .. " تعلّقت " فيهم .. لين آخر : طرف !
ماأقسى من الحظّ وظروفي وضحكة عداي
إلا إذا .. صار مالي في حياتي " هدف "
من خلفي : الماضي المزعج ، ونبرة بكاي !!
وقدّامي " اللهُ أعلم " .. ضعت بـ المنتصف
ويني ووين : أمنياتي ألف جرح بـ خُطاي !
وحلم العمر : لو درى عن واقعي ماأنصرف
ياماخذ العمر وينك ؟ .. " أحزن الله عزاي "
عيني وجرحي وحبري .. من بقى ما نزف ؟
أخذ : فرح عمري .. وْما حسّ يوم بـ شقاي
الذكريات : أتعبتني .. وإشتياقي " قرف "
كان أوّل أحبابي اللي .. حلّقوا في سماي
وشلون أكون آخر إنسان : بـ رحيله عرف !
ما كان يوقف معه في كلّ حاجة .. سواي !!
وفي عزّ .. ماأحتجت وقفاته معي .. ما وقف
أشياءه الصحّ .. في عمره نتيجة : خطاي !
ضيّعت نفسي فـ نفسه .. وأيّ طُهر إقترف !
بكرة : هو البارح اللي .. مثل هـ اليوم جاي
يتشابه الوقت : بعده .. كلّ شيّ : أختلف !!
صحيح أبرحل ، وبترك : كلّ حاجة .. وراي !
لكن : وربّ التعب والفقد .. أخاف الصدف !!
أخوكم : عبادي الزهراني