[عبيد السراد]

السلام عليكم
طابت أوقاتكم
مصافحة على خجل علّها ترتقي إلى ذائقتكم وذائقة من دعاني إلى هنا

[poem=font=",6,darkblue,normal,normal" bkcolor="transparent" bkimage="http://www.ab33ad.com/vb/mwaextraedit4/backgrounds/6.gif" border="none,4," type=2 line=0 align=center use=ex num="0,black""]
جات السعادة رغم كـل الغرابيـل=عقب البطى جات السعاده عشانـي

ماخلت الفرحـه لهمـي مداخيـل=والشعـر عيـا لايفـارق لسانـي

ليلة شتا ..كانت حديـث القناديـل=سامرتها حـب وقصيـد وأغانـي

ليلة شتا.. كانت وفـا للمراسيـل= فيهـا تبادلنـا الفـرح والتهانـي

ليلة شتا ..كانت دفـا للمواصيـل=ما تشبـه إلا لونهـا الأرجوانـي

فيهـا تناقشنـا بـأدق التفاصيـل=مرت ثواني.. بس ياهـي ثوانـي

تجرّد الواقع مـن القـال والقيـل=واستنفرت كل القوى فـي زمانـي

الضحك لذة.. والسوالف مواويـل= حتى انسكاب الدمع له شكل ثانـي

والشعر مجلس والمعانـي رجاجيـل=والوصل شوقي والمداخـل كيانـي

ليلة شتا.. فيها لشوقـي مداهيـل=كم ضمني فيها الولـه واحتوانـي

شميت فيها ريحة العـود والهيـل=وأسقيتها حتى ارتوت من حناني

واشعلت شمعات الأمل تالي الليـل=وارسلت فكري من مكان لمكانـي

واسرجت كل الود لمعانـق الخيـل=باخذ بها سجـات والعمـر فانـي


ليلة وفا.. كانت حديث وتعاليل =سامرتها " فكرة " و" حلم" و"أماني[/poem]