[برهان المناصير]

جيت المقابر كن عوى داخلي ذيب
..............وعروش قلبي واهياتٍ خرايب

اسمع دوي أنفاس حرّى لواهيب
............وابكي وانادي يا يبه وين غايب

الغرفه اللي فاقده عقبك الطيب
...............شباكها يشكي جروحٍ عطايب

صمت الوساده زاد قلبي تصاويب
.............وفراشك اللي ياما لم الحبايب

وهذي الدفاتر والقلم والدواليب
............ .الخاتم الساعه حنين وغرايب

وهذا عقالك يا يبه للمواجيب
..........يشهد ونشهد حين حل النشايب

تغشى الأرامل لا غشاهن تعاذيب
............واليوم يبكن لابسات العصايب

ويا مكرم الضيفان زاد وتراحيب
......وما كان من هو يطرق الباب خايب

انا اليتيم اللي غزا راسه الشيب
...........وانا الكبير اللي دموعه سكايب

ما كني إلا شيخ عاش التجاريب
.........ما حالي إلا طفل شاف العجايب

اي والله ابكي مثل الاطفال واغيب
..........وهموم صدري جايشاتٍ كتايب

فقدك جرح بالقلب يكبر ولا يطيب
..........ما كان تكبر فيه عقبك مصايب

لانعاك واكتب في رثاك المكاتيب
......ولابكيك لين الدمع يسقي الترايب

وضيوف جولك من بعيد ومعازيب
......وفاح الكرم من بين ذيك النصايب

و قالو هنيال القبر ريحة الطيب
............واللي تنعم بالندى والسحايب

عقبك تكدر صافيات المشاريب
......وراحت جموع أفراح قلبي ذهايب