لجروحي بس انت البلسم
كل عمري وياك وما اندم
انت الفرحه وانت الغنوه
وانت الحب البيه اتحلم
ولو مره انت تجافيني
وتمر مني ومتحاجيني
روحي تروح
وكلبي يصيح
والدنيا بعيوني تظلم
لتحاجيني ...لتناغيني
بس من تمر يمعود سلم
ولومره شفتك بطيوفي
يتلاشى حزني وي خوفي
صدك انت من اغلى ضيوفي
وجروحي بوصلك تتلملم
سولفلي مره على همومك
كاتلني بحبك من يومك
اتمنى اصير انا هدومك
كل شوي تضمني لصدرك
ولعطرك اني اتشمم