"
تذكرني بك اللحظات
ماتغفل ولا لحظة
تزيد الهم في قلبي
وأنا اللي فيّ كافيني !
يعاتبني انتظارك
يختنق من غيبتك نبضه
وقلبي منك وأوقاتي
تضيع وترتبك فيني !
تمر أوقاتنا غيمة
وتبقى لحظتك عطره
أيا قلبي كفاك هموم
متى الأفراح تهديني !
يشين الخاطر ويشرح
ظروفه تبكي بحسرة
على شان الوداع اللي
من غيابك معنيني !
امد كفوفي وعيني
على الموعد بدت تشره
متى ياساعة أفراحي
يزين الحلم بسنيني !
طواحين الألم تركض
على شطآن منفطرة
تخاف من الجروح اللي
بكاها مايداويني !
تسابقنا على الموعد
وقلبي ينتظر مُكره
متى يا أجمل أحلامي
تقرّ بشوفتك عيني !
"