نديم الصمت، ياللي تسأل اشعاري عن اوضاعي
ماعندي من ضجيج الوقت لا تابع ولا متبوع
أهيم بغبّة افكاري ،جليسي ركن مرباعي
كذا طبعي وبوحي في سجلّات السهر مسموع
أروق بـ ليليَ الداجي ، وحبري طبّ لاوجاعي
قصايد بالدفاتر تسهب المعنى ضياء وشموع
وياملهم للقصايد ليت تدري صرت ذعذاعي
نسيمك داعب اافكاري وذي هي زبدة الموضوع
تجيني تشعل احروف الغرام بليل مهجاعي
وانا اقول ابشر ومن خافقي كل القصايد طوع
بك المعنى سرى لاخر سهر يجدف بمشراعي
تسامرني قناديلك على جفن الطريق اجموع
اشوفك حلم لملمني عقب لوعي ومضياعي
بعد ما كنت اشوف ان الغرام اسوأ خبر مفجوع
يا ملهم جيتني شمس ابلجَت مع نور مشعاعي
ونا اللي غايب اشراقي إلى آخر حساب اسبوع
تطمّن جوهر احساسي بعد ما هد مرواعي
وسقيتك صافي اوراقي من ابياض السهر ينبوع
رقيت برقّك الراقي ، لقيتك جملة اوضاعي
وحيِيت اشعور ذابل صابه اجحاف الغلا بالجوع
فـهـد الـعوفـي