[محمد السالم]

مانشستر 1998



كل عام وأنتم بخير أيها الأحبة إبعاديون وزوار

نص معايدة قديم ولكن قلوبكم المتجددة بالوفاء ستقبله



هذا أنت جيت وصباحك همّي وغمّي
هذي السنة ثالثة تدق بيباني

لو كان وجهك بشوش وقادم يمّي
يا شين جيتك لامن جيت وحداني

يا عيد شهر الفطر ؛ وش جاك من ذمّي؟
حتى شروقك يسمىَ حزني الثاني

في " مانشستر " تعايد دمعتي كمّي
كلٍ يعايد حبيب وعيدي احزاني

مسامحك لو كلامي ماوصل فمّي
مثلي جداه السماح وصفحي إيماني

يا عيد هاذي رسالة تنضح بهمّي
غلافها مهجتي والحبر شرياني

تبوس جبهة "أبوي "وظهر كفّ " امّي
وخواتي "الغاليات ؛ وعايد "اخواني

عايد "خوالي "وعايد لي "بني عمّي
عايد لي " إنسان " ذكره قرّة اعياني

من قبلهم ..عايد اللي حبّها دمّي
بلادي " اللي ثراها كنز " جداني