[عبدالله الضبعان]

[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]



القوافي والمعاني والحروف الابجديّه = والشعر وشعور شاعر والغمام يهل وبله

شاعر(ن) ماقول شاعر من زمان الجاهليّه = شاعر(ن) له بالمثايل لاهتواه يمس حبله

ماخذيته من قريب ولابعيد ولا عطيّه = شعلة(ن) ناره تلضّى وارجد ضلوعي حطب/له

ماحظرت إلا وانالي في بحوره شاذليّه = ولا قلطت إلا وانابي جند حرب(ن) طق طبله

والرجل وإن عد نفسه ناقد(ن) للشاعريّه = واعناله ,, كان ماله ,, بين خلق الله قَبله

للرجال عظام وانته لاتجي عظمك طريّه = جنّب وعور الدروب إن كان فيك اتضيق سبله

والبشر وان جيت احسّب كل منهم فيه سيّه = يالله إني فيك عن نفسي وجهْله والسبب/له

والقصيد أبيات صيد(ن) به جزيل وبه رديّه = قالها قبلي حكيم وحيّ منهو تنّسبّ/له

والشعر ماجيت ادوّر من وراه المثنويّه = الثنا والعز باللي سِعْد منهو قد وهب/له

واعسى هاك النصايب غيث ديم(ن) وبرديّه = قبر عَوَد(ن) فيه نفسي في علوم الطيب جبله

ياعلي والهاجس اللي من تحَتْه النار حيّه = شف لهيبه ,, يصطليبه ,, والعرب كل(ن) مع ابله

حالنا يرثى لها والجمّ دونه الف طيّه = والمتون اللي تشيل العِد شفْه اليوم ذَبله

صاحبي ياصاحبي وش هقْوتك وان غار ميّه = والروى ,, كيف الروى وان كانت اليدّين كبله

لارحم حال المجامل كان نصّب له سديّه = شاعر(ن) لو كان ماله في بحور الشعر قِبله

عالَم(ن) كلّن يعنّ من القوافي له مطيّه = في سباق(ن) مع شقاق(ن) مع نفاق وبيع حِبله

آبهيجن وآبغني من على هاك الثنيّه = مرقب اللي وان تخيّر بالجوازي جاد نبله

ماعلى نفسي ملامه ,, لا ,, ولا بالناس زيّه = دام كلن في طريقه ,, كل درب وفيه عِبله

خلها يابوسميّ وكل درعى له رعيّه = والظْفَر راعيه يظْفَر ,, والخبل يلقاه خبله[/poem]

عبدالله بن سالم الضبعان