هذا السهر يحمل بطياته حنين
ومليان مسرى ليل من له ذكريات
يكتب ويمسح ما فعل صمت السنين
طليق جنحانه يعبّر عن شتات
ايام يا ما كان به دمعٍ وانين
كنه وهو في عتمته ماله جهات
غير الشعر فارد حروفه له يدين
يلم ما بعثر شعوره بـ اغنيات
وينفث على صدره هموم العابرين
اللي تفتّق كل ذكرى وامنيات
اواه يا غصة مرور الراحلين
اللي تصحّي كل جرحٍ من سبات
لا تنعزل في غيهب الحزن الدفين
لايق عليك انك تحلّق فالحياة
مع كل ما حرر من اوجاعك سجين
ومع كل ما صار الضيا طوق النجاة