"
وش بقى لي منك والموعد سراب
وين عهد الحب والدمعة قهر
اشتكي لك منك يا عذب وعذاب
والغمام اسقى شوارعنا مطر
اللقا دربه تزين بالضباب
والوداع يلوح والماضي شطر
من ينادي يا فؤادي بالعتاب
راح وقته والمساء ثوبه عطر
كلما هانت تزيد ابها ارتياب
لين خافت من نهايات السطر
اكتفيت من العنا والاغتراب
والوطن قلبك وأنا قلبي انفطر
لا تلوم الحب لو هاجر وغاب
ولا تزيده بالتجنّي و السهر
خطوة الأيام من فعلك تهاب
والجروح قصاص والدنيا عبر
"
[ أحسن الظن وابتسم ... فالقادم أجمل بإذن الله ]