[فهد عافت]

مرفوع :
راس وشان

والله .. ما تنهان
... ولا يلمسك عذروب
مرفوع راس وشان
... ونظيف : عرض وثوب
وافي : حَجَر وانسان
... ودافي : شجر و دروب
نغْمض عليك اجفان
... ونفتح عليك قلوب
ونْهدْهدَك بـ الحان
... وما نوصلك أسلوب
يا أعظم الأوطان
... ماغيرك المحبوب
يا نعمة الرحمن
... دِين وعمار شعوب
و يا ريشة الفنان
... و يا عطْره المسكوب
و يا سحره الفتان
... ويا حرفه المكتوب
حبك ترى لو كان
... ذنْب : امتلينا ذنوب
و لانطلب الغفران
و لا عنك يوم نتوب