[نوف مطير]

-

الليل موحش قيّد ايدينه حنين
حاصر جهاته واعزله عدّة شهور

وحيد يروي وحشته للعابرين
يكتب ويمسح والحشا دمّه يفور

يبدد اوجاعه قصيد وضحكتين
يبني شعوره في تفاصيل السطور

كم له يداري ليله الجافي بلين
يضحك بوجه احزانه بوجهٍ سرور

يشعل بصيص النور في جرحٍ دفين
سبّة شعورٍ باني بصدره قصور

واذا انهمر لك تفهمه من كلمتين
رغماً عن انف البعثره شعّت بنور

ولو داخله غيمٍ يهلّ المزنتين
باكر بينبت فوق ندباته زهور