[م.خالد الدوسري]

دمع الكواكب:



تحليق خارج الكوكب:




تصادمت كل الكواكب بفرقاك....شفت انهيار الكون لحظة وداعك





[POEM="font="Simplified Arabic,5,white,bold,italic" bkcolor="transparent" bkimage="./images/backgrounds/21.gif" border="double,6,skyblue" type=1 line=0 align=center use=ex num="0,black""]الشمس تولد يالضيا في محياك=وتموت لامن غاب عنها شعاعك

وشلون تبغاني اوادعك وانساك؟=وانت المجرة تختفي في وداعك

دمع الكواكب خر نجمات عيناك=على الوداع المر تبكي ضياعك

الله ياحلم السماوات: مااحلاك!=احلى من ( احلى) والحلا في طباعك

وجهك قمر..ولثامك الغيم يغشاك=يبين لا حرك هوانا قناعك

وظلام قاع البحر مجنون نجلاك=حوله غيومٍ بيض تهوى وساعك

نحت (احبك موت) في ثلج ذكراك=وذاب وبقى (موتي) بنار امتناعك

والكلمة اللي هزت عروش الافلاك=اقولها ويفلت من ايدي متاعك

قلت: الوداع , وطاحت بخوف يمناك=حقايبك, ولا دموع ارتياعك؟

ابعد من ( بلوتو) على درب مضناك=يا ساحبٍ قلبي على شوك قاعك

تصادمت كل الكواكب بفرقاك=شفت انهيار الكون لحظة وداعك

وموج الاسى يمسح اثر فرحة خطاك=اقفيت ولا اقفى الهنا بندفاعك؟[/POEM]




By:

خالد الدوسري...او...غريب الروح