اقتباس:
المشاركة الأصلية كتبت بواسطة قيصر الصخري
مدخل،،
ودّي اغرس ألف نخلة في ترابك
لجل تثمر في ترابك بس نخلة
ودّي اترك بعض منّي عند بابك
واترك احلامي تربّي منك طفلة
........
من ناظريها حطبت الشعر
واشعلت -ممّا حطبت- النار
سلهامها خمرةٍ للنثر
وبدفتري له مُصلّى وبار
يارد حَورها الورق والحبر
ورموشها فيّة الاشعار
في ضحكها يُسر بعد العسر
شيٍّ مثل فزعة الاحرار
تصبح عروق الضما بي نهر
وتورق على صوتها الاشجار
ربيعها نطقها لل (إر)
في لثغها تنبت الازهار
تهدي معاليق صدري عمر
واحيا بها لآخر الاسرار
يا كثرها بي، وانا وش كثر
صغير قلب وهواها نار
...........................
لقلوبكم.. / قيصر |
الله الله
قريتها مثل منت كتبتها حتى الـ إر نطقته بلتغه
شاعر كفو يا قيصر تربك المتلقي وهو يقرأ لك وتخليه يعيش القصيده معك كنك معه كاتبينها سوا
صح لسانك
