[محمد آل مبارك]

ورمى ثلثين مسباحه..
تساقط حزنه الذابل .. من جراحه
وطاحت من ايدين الحياه سنين ..
كانت .. نصفها ..
ما تسكن افراحه..
رمى ثلثين مسباحه..
وثلث من الأسى ميّت ..
بقى واقف ..
لأنه من ثمان سنين ..
ما حصّل طعم راحه ..
ورمى ثلثين مسباحه..
تساقط حزنه الذابل .. من جراحه
وطاحت من ايدين الحياه سنين ..
كانت .. نصفها ..
ما تسكن افراحه..
..
.
.
تنفست الهوى والشوق والتوديع والحرمان
تنفست الصبر .. والقهر .. أيام الصبا والطيش !
انا ذكرى .. تمر الأمنيات .. اللي تردد كان
هنا واقف .. على باب الحياه .. اللي سألني ليش؟
يتمتم .. للورود الذابله .. صوته يضج أحزان
سأم .. يتعشم بصدق المشاعر .. ما يطيق العيش
على باب الأمل قضّى حياته .. وانكسر انسان
في عينه .. قد تمناه لحياته .. لين ردد أيش؟




..
.
تمنيتك ..
تجي تملي حياتي حب..
تمنيتك .. تجيني تسكن فـ بيتك..
نعم بيتك . .
ما تدري ان قلبي من عرفتك ..
صار هو بيتك؟؟؟؟
انا .. ما قد ترجيت بحياتي شخص
لكنّي .. فــ غفلة عشق ...
يا عمري ترجيتك..
وخليت البشر كلهم عن عيوني بعيد..
و بالوله .. جيتك..
نعم جيتك..
...
.
.


جيتك البارح على موعد لقا ..
ما لقيت الا شوارع خاليه
رحت الملم أمنياتي والشقا
من شوارعك اللي كانت غاليه
طيف ذكرانا .. على الكرسي بقا
ذكريات .. من السنين الحاليه
ما هقيت .. وموعد اللقيا هقا
غيبتك .. من السنين الباليه ..

محمد آل مبارك.
25 مارس 2012