السلام عليكم ورحمة الله وبركاته
صباحكم/مسائكم عطر..
بسيطة من وحي الحال .. اتمنى أن تنال بعضاً من إستحسانكم
*******
يامن زرعت الـ (حلم) في أرض (واقع)
والحلم مايزهر سوى بأرض الأحلام
كم قلت لك: ماتنجح إلا بدافع
لن الحقايق لآ تقارن بالأوهام
واحد مكانه بالفضا نجم ساطع
وآخر لقاله منزلٍ بين الأصنام
واللي سعى للخير بالمجد طامع
دايم مكانه بأول الصف قدام
يلي تثور وتعتصم ثم تقاطع
رح خذ ضميرك بإيدك وضمه وْنام
وإدفن ميولك للـ (أنا) ولآ تدافع
الدفن للميت ترى حق وإكرام
جاري ظروف الوقت بإحساس قانع
ماكل إسم نعرّفه بالألف لآم
حريتك بإحسانك .. وعلم نافع
ماهي شعارات وتصاريح وإعلام
ما أحبطك ,, لكن ترى الفرق شاسع
مابين برد الواقع وْ دفيء الأحلام
__________________
وسلامتكم
تفاصيل منسيّه