ابعدت ادوّر في حياتي سعة بال
ورجاي بالله مايخيب الرجاء به
:
والنفس تاقت للهدوء والفكر مال
لحساس مايزعج سكون الكتابة
:
مافادني صمتي ولا جمّل الحال
يوم اتّقي بالصبر وجه الغرابه؟
:
بالعكس كان العذر طرقي ورحّال
واعتق نبيذ الكذب اثمن زهابه
:
عمره ضمأ جوف وتعاويذ دجال
حتى ولو تشكي دموعه عذابه
:
ماعاد يعنيني غيابه ولو طال
اصلاً وجوده صار يشبه غيابه
:
مدري انا وش قلت بس القدر قال
اليوم آخر يوم تطرد سرابه
:
يمكن دعاء صادف تباشير وآمال
او صادق الرغبة توارت ركابه
:
من يزرع الأشواق في واحة اهمال
يجني ثمر شوق الندم بالنيابه
عبدالله العتيبي