ناح الرصيف اللي بنيته على جرح
...............تمشي عليه الناس ما تسمع النوح
العابر اللي ينتهي منه للفرح
...................يرمي همومه والبلا فيه ويروح
ليت القلم يكتب ويقوى على الشرح
................ينثر على الاسفلت ويلات مجروح
واليا التهب جرحن ندي وصابه القرح
......................لله ابشكي لا لغيره ولا بوح
ولما تدبر واقرا في سورة الشرح
.................ادري بعد ضيق الفرح باكر يفوح
تتجمع الفرحه وببني لها صرح
.............واترك رصيفن هش للي يبي الجوح
في حسن ظني بالذي بدل الترح
..............اسمع دبيب افراح في داخل الروح
برهان المناصير