القصيده كتبتها عن موقف حصلي ..
يابوي انا عدّى على موتك شهور /
وفي كل يوم ألقاك قدام عيني -
بنتك بشاير هدها الفقد والجور /
عانيت انا والحزْن قصّر سنيني -
والبارحه من دون تخطيط وشعور /
دخلت بيت الطين زايد حنيني -
رحت أنشد الذكرى بظلما بلا نور /
من حر جمرٍ بين قلبي وبيني -
دخلت فيه وكان موحش ومهجور /
ابي مكانك يايبه ياضنيني -
وفي زحمة افكاري لمحتك على الفور /
تمشي على مهلك وزولك يجيني -
ركضت أضمك خافقي كله سْرور /
ويسراي عن يمناك ضمت يميني -
ثم اختفيت بلحظةٍ وانتهى الدور /
وصرت بسبب ترحالك أصفق يديني -
يانايف بن زقيع ياعالي السور /
بنتك تقول استفحل الجرح فيني -
بشايرك تبكيك والقلب مقهور /
والجار الأقصى صار يسمع ونيني -
مرحوم ياشيخٍ على الخير مذكور /
يالله عساك بخلد والله عويني
نوح الحمام