أنا الحبيب اللي بدون أحباب
ياما و ياما سولفوا عني..!
لو أعرف الصادق من الكذاب
ما خاب في بعض البشر ظني..!
اوقات أقول أن البشر اغراب
و أوقات اقول المشكلة مني..!
إلى متى ببقى و أنا مرتاب؟
و لا لقيت اللي يطمني..!
مشيتك يا الطريق اللي بلا وجهة و لا عنوان
اناظر في ضياعي ما لقيت اللي يقديني ..!
أنا الراجع من الماضي، و ادورني الين الان
عجزت القى بشر يقدر بهالدنيا يلاقيني ..!
اكابر ما ابغى العالم يشوفوني و أنا تعبان
و روحي وحدها تعرف جروحي و الحزن فيني ..!
تمنيت البكاء ياما و قلبي صلف مهما كان
و عيني ترفض الدمعة وفيها ما يبكيني..!
ورى صمتي شعر مليان بالآهااات و الحرمان
و فيني حزن يكفي كل خلق الله و يكفيني...!
على طاري البشر ماهو بذنبي يوم اكون انسان
ولكن ذنب كل انسان يومه طاح من عيني..!