الهروب من الواقع الاليم الى بر الاحلام شجاعه رغم انف الوقت ورعونة الزمن
لكن الى متى الهروب
لحظات ونفيق الى الواقع الاليم وتصبح اضغاث احلام
بعدها .......؟؟؟
[poem="font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]اهرب من الواقع الى بـر الاحـلام=واعـزي الكذبـة بمـوت الحقيقـة
اهني المحكوم فـي حكـم الاعـدام=وأتأسـف لنفـسٍ بدنيـا طليـقـة
يالله دخيلك عيشتـي كلهـا أوهـام=صار المطر يخشى نشوب الحريقـة
للظلـم عمـلاقٍ وللحـق اقــزام=وصار الطفل يذبـح بـدال العقيقـة
روض الزهر اصبح مثل حقل الالغام=ومعامـل الالغـام صـارت حديقـة
صار النصر لاهل الدعاية والاعـلام=والاسلحـه لعبـة صغـار بسيقـة
صار الورق يكتب على رؤس الاقلام=والعبـد سـاد وصارسيـده رقيقـة
صار الامـل الـم والامـال الـلآم=صار الفرح فـي وجهنـا مانطيقـة
متعوديـن للحـزن عـدة اعــوام=يلعنـك يافرحـه تـزول بدقيـقـة
صار الدمع فرحة على خـد الايتـام=بكـاه اصبـح للسعـادة طريـقـة
صار السهر موضه اذا غيرهم نـام=وصار العطش نغمه اذا بـل ريقـة
ريق النحل اصبح لذيذ العسل سـام=وسم الافاعي صـار حلـو لعيقـة
جمر الغضى اصبح حريـر للاقـدام=وغرابنـا صـار السـلام بنعيقـة
حتى العواذل بدلـوا الكـره بهيـام=يوفي عـدوه ميـر خانـه رفيقـة
مدري خطاي او هو خطا سود الايام=والا الخطا يشمـل جميـع الخليقـة
والمعذرة كان الشعر مبهـم ابهـام=اقولهـا يامـن تحـدى السليـقـة
اللي بعلـم الفلسفـه عنـده المـام=وعنده على علـم المعانـي وثيقـة
هذي مجرد خاطـرة عثـرة ابهـام=الكون يوجد بـه وساعـة وظيقـة
واعود للواقع من جنـون الاحـلام=وابشـرك مـات الكـذب يالحقيقـة [/poem]