قاعد لارسم لابطال الشعر
شويه صور
ومزينه ومزركشه مثل الفرس
وريشه بأيد الريح
وما عندي حبر
كتبنا ع رمل المعرفه
اسم اليمامه المارقه
فوق الجسر
زعل النسر
محينا الاسامي
تذكروا
انو البشر , بيبقوا بشر
والريح بتحرك رمل
ومرت صبيه اطّلّعت
جمد الحكي
وتفلفشوا الكلمات
تا صاروا جمر
ناموا بقلب الموقده
ونادوا على بن العرب
وشربوا فناجين السهر
وتايختفوا من قهرهم
البن احترق
صاروا رماد وموقده
وشعر انكسر