حان الـوداع اللـي مقـدر ومكتـوب
.........حكـم القـدر فينـا حكـم بالـوداعـي
ترجمتهـا بابيـات والقلـب معـطـوب
.........وحروفها ممشـاي والشطـر باعـي
قصيدتـي فصلتـهـا للجـسـد ثــوب
.........و اخـذت منـهـا لسفيـنـه شـراعـي
نويت اسافـر واتـرك الحـب واتـوب
.........معاد لي في الحـب والنـاس داعـي
اللي تقـول الحـب بلسـان مكـذوب
.........صادت من اسمه مثل صيد السباعي
وانا على ذا الحب كاسب لي ذنـوب
.........حتـى الوفـا بالحـب مالـه مـراعـي
غيري علـى ذنبـه تهنـى بـمحبـوب
.........وانا كسبت الذنـب والعمـر ضاعـي
يالله تستـر لـو بـدى بـي عــذروب
.........راع الهـوى مفضـوح سـره يذاعـي
اخلصت انا للحب و اصبحـت مغلـوب
.........شفت المهونـه يـوم مالـي مداعـي
قعـدت انـا وحـدي وحيـدٍ ومنهـوب
.........اشكـي فـؤادٍ لاعــه الـهـم لاعــي
واشكي من اللي ادعج العين رعبوب
.........لامن طرى لي ذايـب القلـب ماعـي
نويت اسافر واهجره بـس باسلـوب
..........رسلـه ابيـاتـي وتـاصـل بسـاعـي