يارب تحريرك لصوت امنياتي
وطبّك لعبدٍ طال به نزف جرحه
وحدي وطول الليل سبة شتاتي
تعبت من جمع التمني وطرحه
عين السهر دايم بها ذكرياتي
والهم عابر شيّد اليوم صرحه
وحدي وهمي حاصر اربع جهاتي
يالله بغيثٍ يغسل القلب فرحه
يروي غصوني بالرضا للمماتي
ويمسح جروحٍ صابت الصدر قرحة
كم لي وانا ما بين غصة سكاتي
حتى شعوري غاديٍ صعب شرحه
دايم وانا انفض ضيقتي في صلاتي
واخرج بدعوة تجعل النفس شرحه