للحافله حظور عند غالبية الغرباء...
اهديكم هذه االحافله ...والصعود بلا تذاكر
(...الحافله...)
يافيصـل الوقـت ياخذنـي ولا يعطـي
إلاّ خطـى تايهـه بـدروب محتـاره؟؟
مرات ابطي وبعْض احيـان مـا أبطـي
وأحاول أجمع وطن بأحـلام منهـاره !!
حاولت أنسّق شعور افراقنا إبمشطـي!!
لكن اظروف الجفا جت تطْرق ابطاره ؟؟
هالحافله تعْرف أمتعتي وصـدى لقْطـي
والدرب هـذا تعـرْف اقدامـي أكتـاره
آجمّع اشتـات متفقـه علـى سخطـي
وآشتّت اغصان فينـي فاحـت ازهـاره
بدروب منفاي اكشـف وجْـه وآغطّـي
إوجوه ماودي احْد يسبـر أغـواره !!
تطعن مجاديفهم فـي بحـري وشطـي
وآشوم عن لعبـة النكـران وأوزاره ؟؟
شوف ألسنتهم خناجـر كذبهـا تسطـي
واحاول استر خطاهم ماانفض إغباره ؟؟
صدر مقامي اشوفـه ضايـق إبّسطـي
وماودي الجذر يكشف باقي اسـراره !!
أرمي الرشا في حنايا الـروح ماتعطـي
إلاّ شعـر مالقـا مـسـرح إلسـمّـاره
وهذا الشعر صار هُو شيكاتي ونفطي !!
لو ما أعترف عالم الاموال بإصداره ؟؟
وآقول لحروفي ان طرتـي هنـا حطّـي
اكفوفي اغصان واسطور الورق حاره ؟؟
شربت كاس التجارب وإرتوى خطّي !!
بس إلظما الجيب ماني لاقيٍ جـاره !!!
أنـا إبديـره وابغيـره غـدوْ رهْطـي
متشتّـتٍ والمنـافـي إدّق مـزمـاره!!
عبدالله صلال العساف