منتديات أبعاد أدبية - عرض مشاركة واحدة - دردشة ، مو أكثر !
عرض مشاركة واحدة
قديم 02-06-2019, 02:31 AM   #1
شعور
( شاعرة )

الصورة الرمزية شعور

 






 

 مواضيع العضو

معدل تقييم المستوى: 49051

شعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعةشعور لديها سمعة وراء السمعة

افتراضي دردشة ، مو أكثر !


نقره لعرض الصورة في صفحة مستقلة



-


السلام عليكم ورحمه الله وبركاته

طابت أوقاتكم جميعاً ..

بكل أمانه وحشتوني ووحشني هالقسم بالذات ، أشوفه الأقرب لقلبي بما اني انسانه احب
اقرأ واتفلسف


هالموضوع أقرب للدردشة .. أشياء جات في بالي قلت اشاركم إياها وبـ لغتي العامة ، لان اشوف
اني راح أكون على طبيعتي أكثر لما أستخدمها



شكثر ناس يجهلون معنى ( الرزق ) الحقيقي ..

تعالوا معاي نتعمق بالموضوع شوي ..؟

شنو الرزق؟ هو العطاء او الهبه اللي يعطيك إياها الله ويخصك فيها والرزق الي مكتوب لك مستحيل يروح لغيرك والعكس

شكثر أشوف ناس يتحرطمون ( يتذمرون ) لما يجيهم شخص بـ مصلحه .. وكثير منهم يقولون فلان
مافيه خير ؟ ماجاني الا وقت المصالح او مايعرفني الا وقت حاجته

لا يا جماعه : انتبهوا ! ترى هذا رزق

أي رزق .. لما يعطيك الله ( الفرصة ) تقضي حاجه غيرك .. لما تكون ساعدته بشي هو احتاجه فعلاً !

راح يذكرك بالخير ويدعي لك هذا أولا ،
ثاني شي راح يسعدك ..
لان السعادة الحقيقية والراحة النفسية تجي لما تسعد غيرك

ثالث شي ممكن بكره الله يفرج عليك لانك فرجت عليه وهنا ( النيه ) شي ضروري !

دايم احتسب الاجر بأي عمل لوجه الله حتى لو هو بسيط مثل انك تروح لدوامك.. استحضر نيه قضاء حوائج الناس .. إماطه الأذى عن الطريق ، انشاء جيل مثقف وواعي وغيرها أعتماداً على نوع وظيفتك



نرجع لموضوع الرزق ..


لما شخص يغلط عليك ( بالنسبه لي هذا رزق ) تعرف ليش؟ لان الله عطاك حسنات بدون ماتتعب عليها ، تخيل ان كل المطلوب منه تقول الله يسامحك او الله يصلحك او الله يهديك .. او حتى تسكت ،

الصمت من أجمل المهارات ، فيها تهذيب كبير للنفس وارتقاء لها .

لما تستوعب ان هالشخص اللي يغلط عليك ( يمثل نفسه وتربيته ) صدقني ماراح يأثر فيك .. كل إناء بما فيه يتضح خصوصاً وقت الغضب


جرب تبتسم له وهو معصب ويصرخ عليه ! ركز على رده فعله .. مليون % أضمن لك ان ملامحه راح تتغير ويبتدي هو يتنرفز رغم انه يحاول يستفزك وينرفزك بالدرجة الأولى



ملاحظين إني كل شوي ادخل بموضوع متفرع من الموضوع الرئيسي؟

بالضبط عشان كذا سميتها دردشة . .


الرزق :

ان الله يرسل فقير لبيتك أو لسيارتك ..

لاتقول وين الرزق؟!

هو فعلاً أحتاجك لدنياه بس انت تحتاجه لآخرتك ! يجوز ان هالدنيا خذتك ولك فتره ما تصدقت رغم ان هالشي في بالك !
فأرسله الله لك عشان يكون حجه لك يوم القيامه مو عليك



الرزق بعد بالمسجات !
ممكن الله يرزقك شخص يرسل كثير أدعية في الواتس اب .. ممكن تشوفه مزعج لانه مايوقف ! بس هو رزق بالحقيقه لانه يخلي سجلك مليان بالذكر والأستغفار بـ عز أنشغالك .. رب كلمه تصعد فيك لـ سابع سماء ! من يدري



حتى الأعداء رزق ..

لان كل ماقربت تستلم وتذكرتهم؟ ما راح ترضى تشمتهم فيك وراح تواصل عشان مايضحكون عليك ويحققون اللي هم يسعون له

نقره لعرض الصورة في صفحة مستقلة


شغلة أخيرة مالها خص بموضوعي :

الحياة مو دايم ربح وخسارة .. اللي نشر هالمفهوم مع كامل أحترامي : شخص أناني ، بأمكاننا كلنا نصير ناجحين وكلنا نفرح .. نظام الغاب خلاص ! هذا راح ، واليوم احنا اوعى


في بالي قصة صغيرة خل أقولها لكم :

لما كان ( مهاتير محمد ) وزيراً للتعليم في ماليزيا حل ضيف على مدارس : كوبانج باسو ، في حفل آخر السنه وكـ عادته انسان مميز يفكر خارج الصندوق ويرفض ان يكون مجرد تكمله عدد
قال للمعلمين انه راح يجري لهم مسابقه ( حتى وان كان هذا حفل تخريج للتلاميذ )
وزع عليهم بالونات وطلب من كل معلم او مدرس انه يقوم بنفخ البالون ويربطها بشريط صغير في رجله وبالفعل هذا اللي صار
بعدها بدأ مهاتير يشرح للمعلمين المسابقة وقال :
راح اعطي جائزه لكل شخص يحافظ على بالونته سليمه ، معكم دقيقه وحده ابدأوا
وقتها هجم المعلمين على بعضهم وحاولوا يبطون بالونات بعض عشان يفوزون
لما خلصت الدقيقة

قال لهم مهاتير : طلبت منهم تحافظون على بالوناتكم ماطلبت تبطون بالونات زملائكم ، ولو كل شخص فيكم وقف مكانه بدون مايأخذ قرار سلبي تجاه زميله كان البالونات كلها بقت سليمه وفزتوا كلكم


هالقصة فيها درس عمر مو بس ليله .. مشكلتنا الحقيقية أن أحنا نشوف كل شخص تهديد لنا ولو ان احنا وثقنا بالناس ونشرنا ثقافه الأمن والسلام كان ساد الحب وقل الجشع وكان مجتمعنا اجمل وارقى



رجعت غيرت الموضوع .. صح؟ انا آسفه

ماراح أطول عليكم اكثر

لكن ادعي الله أن يرزقكم كل خير ويوفقكم دائماً وابداً لما يحبه ويرضاه

اختكم :

شعور

 

التوقيع

[ كل مُر سـ يٌمُر ]

شعور غير متصل   رد مع اقتباس