يومياتي كلها اكشن
يبدا العمل الساعة 3 بعد الظهر
اتجه لمقر عملي(الحرم المكي)
وكـ العادة زحمة الطريق ،ولما وصلت مشوار عشان اوقع على بيان الدخول في المكتب
بعد سبع ميه سبع وسبعين شقحة قدرت اوصل المكتب ..واوقع الدخول واخذ توزيعي
ومشوااااااار عشان اوصل لموقعي ..في الحرم صليت العصر في الساحة جماعة
وحملت عفشي ...وانطلقت اكمل مشوار لمن وصلت موقعي
زحمة زحمة زحمة يادوووب اشوف ارضيات الحرم ..
وصلت مكتبي ..وبدأت العمل
جاتني ..حاجة من الاتراك ..واهدتني شراريب صوفيه وشال
شكرتها كثير واهديتها كتيب ادعية ..
وبعديين بدأ العمل وسط الزحمة 
كان فطوري تمرة وماء زمزم والحمد لله
وبعد الفطور كانت الدنيا حوووسه كـ العادة لكن قدرت اسيطر على الوضع برضه كـ العادة
وبعد اذان العشاء اتجهت للمكتب الرئيسي اكمل عملي المكتبي وبرضه زحمة زحمة زحمة لمن وصلت
تخيلو بيني وبين المكتب يمكن من 6 الى 10 امتار واحتاج اقل شئ نصف ساعة عشان اوصل
ووصلت برعاية الله وحفظه ..وكملنا عملنا حتى الساعة 12 في الليل وخرجت ..
طبعا الدنيا زحمة ومافي سيارات مضطرة اركب الباص ولاول مره بحياتي
ركبت الباص من الحرم حتى جسر الجمرات حيث ينتظرني سائقي الخاص
عااااد في الباص حكايات لا تنسى ..خخخخ
ان شاء الله اكتب احداثها ..اليوميه هنا
وبث
<~يا حبك للهذرة والحكي الواجد :d