[ 9 ]
شريت لي عطرٍ ورشيت صدري
__ بكتب لك مْن الشعِر أشياء تنشمّ !
بيني وبين أيديك قصه .. وتدري
__ أن الحكي ويّاك له إيد .. له فمّ !
غنيّت لك يامال والعيد .. بدري !
__ نثرت لك ماء الموسيقى تزم زمّ !
ميّلت لك غيمه ولو ملت حدري !
__ أطلق يدينك لو بتسقيني السمّ !
الشعر قدْرَكْ إيه ، بس ثلث قَدْري !
__ أنا نفثت الروح ف الحرف والتمّ !
غرست فيه الحلم وازداد كدري !
__ قطفت منه السلِم لو يسقط الذمّ
ياقارع الأبواب ..ذا زهر سدري !
__ نحّال كلمه ، وأدرك الكيف والكمّ !
أنت الغمام اللي أنهمر ورد مغري
__ وأنت الرضا وال إيه تنصاع لك تمّ
تعال بفتق للصدر بعض صبري !
__ الليله الليله بطش فيني الهمّ !
حتّى الورق لو سال به بعض حبري!
__ معذور ينزف عوده الأزرق الغمّ !
كل الكلام اللي أرتبكته لـ عذري !
__ يسبق حياي وكل رجفه من الفمّ !
[ سعيد الموسى ]