تكبر
عشان الفرح
يكبر !
بيدينها
لين وجنتها !
تكبر
عشان الورود تقول :
يايانعه
إنتي الأجمل !
تكبر لجل ترمي
المريول !
وتقول : أنا كبرت
ياماما !
تكبر لجل
تجتهد أكثر !
تسهر
وتنجح
وتتفوق !
تكبر وهي تنتظر
فارس !
والفارس المبتئس : عاطل !
تسهى وتبني لها
أحلام !
وآخر تعبها : سرير الآه !
من عقب ماكانت الأجمل !
صارت فريسه
لـــ ناب الحزن !
من عقب ماعينها
قنديل !
صار الكحل أسفل الوجنه !
من عقب ماخدّها
راوي !
أصبح غصن ذابل ٍ ميّت !
*
*
تكبر
عشان إيش يامحمّد ؟
يارب هالبنت
لاتكبر !
*
*
هالمجتمع ماهو بثيّب !
ـــــــــ والبنت عذراء من أحزانه
.
.
هالبنت ياناس لاتكبر !
ــــــــــ قولوا لها تلبس المريول !