[سلطان الدوسري]

.
.

مدخل :

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
والله اني لو اوصف قلت هـذي فاكهـه=يعني اقدر اعتبرها في حياتي ( خوختي )
في يديني هالروائح من مْلامَس ناكهـه=لاشهقت اكتم زفير وذا سبب في دوختي [/poem]
.
.

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعالي طلّعيك انتي من ضلوعي اذا تقوين = وانا أبصم لك بعشره واطلّعني من ضلوعك
مَدام ان الهوى غَرسَه على جال الغرام اثنين = اذاً وش خانة الثالث يجي وينزّل دموعك
لأن الله زرع حبّك وسط قلبي على ( شيئين ) = يموت من الغلا حاسد اذا حاول يبي نوعك
( غلا وشْموخ ) زارعهم منابتهم على صدرين = واذا مات الهوى كلّه اهدّي قلبك و روعك
اجيك بكل اشواقي واخليها على ( تكفين ) = انا ( طالبك ) ضمّيني ودفّيني على شموعك
ابي ( لبّيه ) تاخذني إلى روحك بلا كفّين = وتنثرني من اول يوم الى اخر يوم ف اسبوعك
وابيني يوم اعيشك فالهوى ماتنخطف هالعين = مثل ماقالوا اوّل : كحلة الأثمد على طوعك
عشقتك يوم انا جاهل اصول الحب في قلبين = فهمت من الغلا درسك وفرق الشبر عن بوعك
حنانك لا لبسني صرت انا طفلك ولي أُمّين = احس اليا حضنتيني اضيع بزحمة اجموعك
اجل وشلون ابطلع منك وانتي مالكه شيئين=كذا أبصم لك بعشره وببقى فيك و بطوعك[/poem]
.
.

مخرج :

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
قل للغلا لايسفه الشوق ويموت=ذبح المشاعر صنّف اكبر جريمه
صعبه تحط الشوق في وسط تابوت = لين يتوفى قلب ذاك و غريمه[/poem]
.
.
.
احتراماتي