[حمود الحجري]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هذيك ، يا صاح ، عاد حْكايةٍ أخرى ..=محفورةٍ في الضلوع ، وْلسعها حامي
للحين ما طبت منها ، ولا رضت تبرى=من أول الجرح ، واللوعة ، إلى عامي
الشمس تقتات قمحي .. نهْمَةٍ ، صفرا=ورْجاولي ممعنة في النار ، وإيـلامي
كم مرةٍ طفت ذاك الســور ، من برا=طفته ، مثل أي شي بـ سكيك أحـلامي
طفته ولا ادري بما ينوي ، وما يقرا..=من عالم الغيب والمخبوووء ، قدّامي
ما جا على خاطري بـ يكون لي ذكرى=ما كنت أدوّر .. على ذكــرى لأيامي
إلين لحظة ، بهتّ ، ومن يقول أدرى ؟!=صار اجتراح الشروق يكهرب عظامي
مشيت ناسي ، يدحرجني – مثل مجرى ..=يلعب بقشّه – طريقي ، وأنفض أكمامي
أربكني السحْر ، لعثمني ، وبالأحرى ..=شمسه خذت لهفتي وضيّعت أقــدامي [/poem]