( شادي الصوت )
ياشادي الصوت هذا الليل يفجعني
----------- شكل بصوتك سما ليلي ووجداني
رجعني للحب والأ حلام رجعني
---------ذكرني باللي مضا من سالف ازماني
احتاج ساعة فرح وان قلت وش يعني؟!!
--- --- يعني كذا جيت انا هارب من أحزاني !!
تسعة عشر عام والأيا م تد فعني
--------- لعالم ٍ ما اعرف الوافي من الجاني
الصدق والطيب والأخلاق ترفعني
------------- رقيت شامخ جبال العز وحداني
أحباب واجد تبي حبي وتمنعني
------------- ياكثر ما تاخذ احبابي وتنساني
اجوع من الحب والاوجاع تشبعني
----اعطي ولا اشوف من يعطي على شاني
كلي تبعثّر تعب من اللي بيجمعني
-------- يلم شملي قبل ما أرحل ولا القاني
يزرع بقلبي (أمل)وان غبت يزرعني
-----انسان مخلص معي في الحب متفاني
الليله اشياء كثيره صدق توجعني
---------- الحب والشعر وذنوبي وحرماني
من وين ما رحت اشوف الشعر يتبعني
------- ادمى جروحي وعند الناس عراني
صحيح وافي معي والغير يخدعني
---------- من قبل ما اكتبه يكتبني ويقراني
الشعر طفل ٍ يداعبني ويسمعني
---------- مرات يضحك معي ومرات بكّاني
ياشادي الصوت قم بالله متعني
---------- رجعني للحب واحلامي وخلاني
محمد الثوعي