ماعدت تزعجني ليا عُدت يالبرد
دفيان انا من لاهب ٍ وسط صدري
مطرود انا من داخل بنايتي طرد
الموت فوقي واتعس الوقت حدري
ياناقلين الورد ماعادني ورد
يَبَست من طوي المسافات بدري
عقب الدماثه خاطري صاير ٍ عرد
اضيْق من هب الهوى فوق سدري
تعبت انا من حذفي لقطعة النرد
احذف وكني بالنهايات أدري
حظي تعثّر وانتهي صاير ٍ جرد
واصبح من الساهل على الناس غدري
اعيش فرد وأقبض وانبعث فرد
لكن ولالحظة تراخصت قدري