تغيب!!
وش غير الغياب تجيده؟
وش غير جرحي تتقن و تتحرفن
وش عندك لدمعة مع تنهيدة
وش عندك لصبرٍ وراه اتخرفن
وش عندك لصبحٍ يشيح بجيده
يضحك على اجفاني اذا هن رفن
النوم سلطانه طــلـع من ايـده
خالي يدين و حول عنقي التفن
قلي وش اللي بالغياب تريده
سود الـنـوايـا عــادةً يـتـخفن
خابرك تفرح لا سمعت قصيدة
تبشـر بمُـهر محجلن و مصفن
لـ اسقاك من خمر الشعر عربيده
القي قصيدي في جروحك تُشفن
ما يستوي عبد الشعر مع سيده
و لا تُوزن الجزلا مع من خفن
شاعرك لو يبطي عليك جديده
تبطي القصايد كان حسنك وفن
عبدالرحمن أبو ريلام
25 / 10 / 1441