لو يشترى وصلك بسوق الهوى سمته
اشرية لو غليت اسعاره وسوماته
ما ارخصك لو زاودوا سعرك وحايلني
عوزي عن الترك لو زاد التزاماته
موقن بك الربح وموقن سايمك يخسر
من زاودك يعلن اقبالي خساراته
يادرة البحر غوصي لاسفل الظلمة
اغوص لك زرت عني مسافاته
عروق قلبي صدى ودي يساجعها
صرح وقال ابمحبه يالغضي هاته
قلبن تعنى على شانك ونادالك
الوقت توه ويمدي تو مافاته
ترفقي في حبيبك واعذري شوقه
لو يندفع سامحي فيه اندفاعاته
جيتك ولهفة حنيني تسبق الخطوه
شوقه تفجر وسابق بك خطاواته
والبوصله لو شمال الدار وجهتها
لك بوصله في ضميري بتجاهاته
لو اتخيل وداعك سالت ادموعي
تشوف حزني على وجهي علاماته
ماكنت احسب لفرقانا ولا ادري
والغدر مااعرفه ولا أ عرفه عصاباته
حاولت اسابق قدر فرقاك لكني
وقفت قدام حكم الله واياته
مكتوب بكفوفك البيضا توادعني
ومكتوب حظي مساويه وعثاراته
ومكتوب عيني تغسل الارض بدموعي
والحلم ايجازع من الفرقا نهاياته
تقبلي من شعوري اخر ابياتي
بحساسه النادر يوادعك ببياته