هيبة الرجال بالصمت واعراضه غناة
والكلام الزين يثمر .. ويبقى له ثمر
والرجل ذكراه من بعد موته له حياة
وفي صدور الناس لا بد يكتب له عمر !
النخل ما رد عن وجهه الطيّب حصاة
للسماء يرفع يدينه .. ويبسطها تـمــر ؟!
من ركز بالشوك عينه يسولف عن آذاه
ومن تحلى بالرطب ما تجشاه و ذمــر
( الضرير ) عيونه (البيض) ساقت له عصاه
و (البصير ) يضيّع الدرب وعيونه ( حمـر ) !
ومن عرف قدر الرجاجيل يعرف مستواه
يدلهم الليل .. لكن عيوني .. للـقـــمــر !
النعم لو لبّست كل من يلبس / عــبــاة
ما عرفنا ريحة العود من ريح / الــســمــر !
الخطا وارد والانسان يجهل ما خفاه
ومن هدم / حسنات غيره بـ سيّاته / عــمــر
مستمر بـ طيب نيّـة اداري عن خطاه
ما عرفت ان الخطا .. لا تعداه .. اسـتــمــر ؟
من كتم للحق ( كـلــمة ) وخلاها وراه
فك بابه .. للشياطين وما ادهـــى وآمــــر !!
سعد مسهوج